Elina Isaksson Kruukka -

Hauskaa uuttavuotta!

Hallooooo! Piktä aika sitten ;) Tulin juuri Kuoksusta, veimä Ellan kotia. Hän on ollut täälä nyt neljä päivää, mutta tuli pakko lähteä kotia ko minun viiminen festi ("heipparallafesti") on tänäiltana. Tulle piiain vähän surulista, mutta muuten kauhean hauska ilta!! :D

HAUSKAA UUTTAVUOTTA TEILE! <333

2011-12-31 @ 18:33:34 Permalink Vähän sitä ja tätä Kommentarer (0) Trackbacks ()

Heipparalla festit

Mikä viikonloppu!! Intensiivi kyllä mutta oikeen hauska! :D Nyt olen jo takasin töissä mutta niin se hän on ko on näin lyhyt joulut tänä vuona. Kaverit on niin söpöt ja ne on puukkanheet Dagcentran uueks vueks meile (mulle ja Adamile)! Piämä sielä pikku heipparalla festit! ^^

KAHEKSAN PÄIVÄ VAIN JÄLJELÄ!!!

PUSU! <333

2011-12-27 @ 10:47:33 Permalink Vähän sitä ja tätä Kommentarer (0) Trackbacks ()

Jouluilo

Huomena on aatto! Teile jokka ei tienheet... Herran jumala ko aika on menny äkkiä. Ko tulen kotia aattelin tehhä valmhiiks joululahjat, ja leipoa vähän juolupöythään :D Piäkkää hauskan joulun kaikki! <3

Ilonen tyär! ^^

AHAI <33333

2011-12-23 @ 17:01:05 Permalink Vähän sitä ja tätä Kommentarer (0) Trackbacks ()

Iltakävely

Kävin eilen pikku kävelyllä, ja passasin pääle ottaa kameran matkhaan! Tässä pari kuvvaa :D
Ja lapset on kyllä iloset tänäpäivänä, viiminen päivä koulussa on tehty niilä, hauska homma!

Ahai! <3

2011-12-22 @ 15:58:56 Permalink Vähän sitä ja tätä Kommentarer (0) Trackbacks ()

Joulupuu on rakenettu

Tuntuu niin kummalta.. kaks päivää vielä töissä ja sitten jouluaatto on täälä. Ennen, ko olin nuorempi mie hän räknäsin alle päivät aatthoon, katton kaikki joulukalenteri osat... mutta nyt en ollekkaan kerkiä sen kans ja hux flux se on täälä! Lahjat pitävät olla valmhiit ja kuussi koristettu. Mutta en mie stressaa, nautin vain ja kyllä mie hän kerkiän vielä vähän oottaa. Tullee olheen oikeen soma viettää joulun Junosuanossa ko olen nyt ollu ulkomaila viettämässä sen kaks vuotta.

Joulupuu on rakenettu, joulu on jo ovella....

Pusu! <3

2011-12-21 @ 16:13:12 Permalink Vähän sitä ja tätä Kommentarer (0) Trackbacks ()

Nukun sinne

Kävimä papan kans Haaparannala eilen, ja vielä Torniossa joulukirkossa. Oikeen sopeva tunne ko kaikki lauloit. Ko Pajalassa käypii kirkossa niin soon aivan hiljaa kirkkonpenkissä ko kuoro laulaa. Mutta ei Suomessa. Ainoa huono sen kans oli ette olin nukaahtamassa sinne penkile, ko päivät on aivan ylös alas siittä ko olin töissä yön uimahallissa.

Ahaiii <3

2011-12-19 @ 14:24:02 Permalink Vähän sitä ja tätä Kommentarer (0) Trackbacks ()

Kuppi glögiä

Tulin juuri kotoa. Nukun puoli kolmheen tänä "aamuna" ko nyt en pääse nukkumhaan ko huomen illala, alan nimittäin töihin 02.00. Mutta kyllä tästä tulle hyvä, nyt otan kupin glögiä ja nautin joulutunnelmasta. Soon viimeks tullu ^^

Ahai <333

2011-12-16 @ 20:41:47 Permalink Vähän sitä ja tätä Kommentarer (0) Trackbacks ()

Ihana tuoksu

Oioioi ko hyvä tuoksu ko laajaan kahvipannun!! Aivan mahtava. Ja nyt mulla on viikonloppu! Eli, no joo.. mulla on yövuoro lauantaina 02.00 - 12.00 mutta en mie sitä räknää. Se hän on vain hauska ko saan olla täälä minun Ellinorin kans ^^

Ahai <333

2011-12-15 @ 13:08:06 Permalink Vähän sitä ja tätä Kommentarer (0) Trackbacks ()

Tippuu

Huh huh, häyn vissin ostaa uuen mopiilin. Tämä päätti äänen panna pois. Eilen ki ei soinu aamula ja tuli pakko stressata töyhin ko mamma heräätti minut varttia vaila seittemän ja kysy "eks ala seittemältä??".

Taas istun kattomassa kuvia entisestä. Nämät ki vissin olen ottanu ^^

NIKON D60 + Tamron AF 18-200mm f/3.5-6.3

Ahai <333

2011-12-14 @ 11:38:44 Permalink Vähän sitä ja tätä Kommentarer (0) Trackbacks ()

MIE OLEN ETUSIVULA

Mie olen etusivula MET-lehessä! Hauska! Ja olen vielä oikeen kaunis kuvassa! YES I AM.

Lehti tullee NSD kans, lukekaa. Tästä blogista mie hän kerron :D

Oi ko ilonen minusta tuli, AHAI <333

2011-12-13 @ 13:16:19 Permalink Vähän sitä ja tätä Kommentarer (0) Trackbacks ()

Heti heti

Soon vähän merkillistä, mutta heti met lähemä Australiaan mie ja Adami!! :D
Olen alkanu kirjottamhaan pakkauslistan ja reisufeeperi kasvaa.. JÄNNA HOMMA!

Pusu <3

2011-12-13 @ 08:51:02 Permalink Vähän sitä ja tätä Kommentarer (0) Trackbacks ()

Gränslöst

Mie olen alkanu bloggamhaan ruottin raatiole. Käykää kattomassa!! ---> Gränslöst <---

Ahai <333

2011-12-12 @ 17:15:09 Permalink Vähän sitä ja tätä Kommentarer (0) Trackbacks ()

True colors

Amanda voitti!! Wiihoo ^^ Oikeen hyvä finaali oli, ja kattoma kyllä jännässä. Ko net viimeks sanoit hänen nimen mie huusin niin kovasti ette varmasti koko talo heräsi. Mutta ilo oli iso. Ja tänä iltana on jouluparty, ja sitä ennen käymä Thaissa syömässä. Nomnom :D

Kuvat on järveltä viimi talvena

Pusu ja ahai <333

2011-12-10 @ 16:39:17 Permalink Vähän sitä ja tätä Kommentarer (0) Trackbacks ()

Robin vs Amanda

Tänäiltana on IDOLIFINAALI! :D Sytytin juuri kynttilöitä täälä caféssä ja nyt nautin rauhasta. Piäkkää hyvän perjantai illan <333

Robin vs Amanda

Häyn sanoa ette on tyttären vuoro voittaa tämän homman nyt! GO AMANDA! ^^ Toivon ette ilta jaktuu näin rauhalisesti ette saan kattoa ohjelman Majan, Beccan ja Sandra kans. Kyllä mulla on hyvä työ. Oioioi. Ja sitte vielä tämä kahvi, maistuu kyllä.

Ahai <3

2011-12-09 @ 18:51:43 Permalink Vähän sitä ja tätä Kommentarer (0) Trackbacks ()

Jano

2011-12-08 @ 17:17:58 Permalink Vähän sitä ja tätä Kommentarer (0) Trackbacks ()

Hämä hämähäkki

Vielä enempi kessää! Mutta en mie kyllä näitä söpöjä kaveria kaipaa. Saamapa nähhä mitä kiiskiä Austraaliassa on, vähän häyn sanoa ette pelottaa. Mutta ei se sunkhaan niin varalista ole, vaikka Adami eilen mulle on puhunu hämähäkistä ja skorpiuunista...

AHAI <333

2011-12-07 @ 16:57:18 Permalink Vähän sitä ja tätä Kommentarer (0) Trackbacks ()

Ihana kesä

Vähän kaunhiita kesäkuvia nyt ko lumi on maassa ja kylmät tuulet puhaltavat.

2011-12-06 @ 20:19:14 Permalink Vähän sitä ja tätä Kommentarer (0) Trackbacks ()

Heti heti

Heii! Oli kyllä soma viikonloppu. Istun kattomassa "Mean Girls" nyt ja saan vähän joulutunnelmaa. Aika hauska filmi. Aloin hunteeramhaan joulua, Australiaa. Soon piiain hyvä ette lähemä aivan joulun ja uuen vuen jälkkhiin, ko silloon ei ole vain Australia päässä ja sitä piiain saapii vähän unta. Kyllä se reisufeeperi on alkanu nyt..

WOHOOOO heti met lähemä!! :D

Ahai <333

2011-12-06 @ 17:36:00 Permalink Vähän sitä ja tätä Kommentarer (0) Trackbacks ()

Filmitipsi

Kattokaa tämän! Oikeeeeen komea mies tämä Ryan Gosling. Oioioi...

BLUE VALENTINE

AHAI <333

2011-12-04 @ 14:28:53 Permalink Vähän sitä ja tätä Kommentarer (0) Trackbacks ()

Tämmönen Elina

Kiharat katosit eilen... Kaheks päiväks vain ^^

Pusu <33

2011-12-03 @ 16:51:39 Permalink Vähän sitä ja tätä Kommentarer (0) Trackbacks ()

Viimeks meni maalhiin!

Oikeen soma ilta eilen. Menimä Smedjale mie, rebecca ja ellinori. Sielä olima neljä tiimaa! Söimä pizzaa, otima yhen ciiderin ja katton jääkiekkoa Lulaja - Skellefteå. Lulaja voitti ja koko smedja huusi ko se kiekko viimeks meni maalhiin! ^^ Tänäpäivänä on peeerjaantaii! WIHOO! Samapa nähhä mitä ilta tarjoaa meile.

Minu tyttäret ^^

Pusu <3

2011-12-02 @ 14:50:31 Permalink Vähän sitä ja tätä Kommentarer (0) Trackbacks ()

Pelottava ilta

Vähän pelottava ilta tiistaina. Olin kotona Pentäsjärvessä ja menossa kävelemhään mustassa yössä ko näen ette grannin biili on kaatunu diikhiin. En oikeen ymmärtäny ensin mistä oli kysymys mutta ko tulin biilile niin granni istu sielä ja mie autan hänet ulos. Ei se kyllä ole tavalista ette olen kävelemässä illala pentäsjärvessä, mutta häyn sanoa ette oli tuuri ette niin thein. En tiä vain jos hän olis päässy ulos ilman minun kättä. Hän on jo 80+ vuotta...

Rakas järvi

Ja nyt on vain 2,5 tiimaa minun viikonlopphuun! WOOHOO! Ilonen Elina tässä ^^

Mikä kuva.. Mutta vesi oli kylmä!!

Ahai <33

2011-12-01 @ 11:03:00 Permalink Vähän sitä ja tätä Kommentarer (1) Trackbacks ()