Elina Isaksson Kruukka

Sambo täytti tänäpäivänä 17 vuotta! Fiirasimma aika laila ja otima tuhansia kuvia ulkona aurinkossa. Tässä vähän ihania kuvia teile. Ja joo, mulla on noin hyks flyx punanen tykka!

 

Aivan ihana ette soon pyhä! Olen nyt ollu Amberissa töissä yheksän päivää rivissä niin soma nyt olla leetissä koko viikon. Lähen tiistaina pajalhaan mutta huomisen päivän olen vielä täälä ko minun rakas sambo/serkku täyttää vuosia! Tehemä sille marängikakon! Yeees.

 

 

 

Ihana päivä taasen! Kerkisimmä eilen vähän fiiniä kuvia ki ottaa ulkona aurinkossa. Laura soitti mulle tänäpäivänä SVTstä ja halusi tehhä pikku jutun siittä ette Kirunan kunnassa on aateltu panna tiekyltit meänkieleksi ki. Tuli kyllä vähän hassu juttu, mutta mutta.

 

Aivan ihana ilma ulkona, lähen ulos pitkäle kävelylle aurinkossa! Oi ko iloseks sitä tullee tästä keväilmasta. Ja viikonlopuks lähemä Levile, toivon ette soon yhtä hyvä ilma silloin. 

 

Fantastinen aurinko on paistanu Pajalan yli tänäpäivänä! Olen nyt kotona tekemässä vielä vähän töitä raatiossa. Lähen heti täältä Ellin tykö ja sitten menemä kttamhaan uutta filmiä - A good day to die hard. Tässä joku kuva tästä päivästä!

 

Yeeees, tänäiltana on fästit! Mutta minkä kleninkin mie otan? Uskon ette otin vähän liiain monta alternatiiviä myötä tänne Linnin tykö.

 

Lunta tullee sielä ulkona ja mie istun filtissä teeveen eessä. Heti aika alkaa pakkaamhaan. En kerkiä olla kotona enempi ko päivän mutta ei se nyt mithään, mulla hän on hauska viikonloppu luulajassa eessä! 

 

Oi mikä aamu! Ja mikä fruukosti! Spotifyssa laulaa Ron Pope ja mie vain nautin ihanasta päivästä. Lähen kolmen aikana Pajalhaan tänäpäivänä mutta sitä ennen aattelin vain chillata täälä kotona Piteåssa. Kävimä eilen aerobicsissä mie ja Ella, oikeen hauska! Uskon ette soon meän uusi maanantai aktiviteetti.

 

Kävin shoppaamassa vähän eilen Carlingsissä Luulajassa. Rakastan presenttikorttia! <3

 

Tämä blogi on kyllä aivan kuolu, mie niinku unhotan sen koko ajan. Vaikka eihän nyt mithään erikoista tapahtu minun elämässä, soon noin sopeva vain niinku se pruukaa. Olen kotona Piteåssa nyt mutta lähen illala pyssin kans Luulajhaan ja olen viikonlopun töissä. Aaattelin ens viikola lähteä kotia Pajalhaan papan kans ko se lähtee täältä tiistaina, hauska tulla kotia vähäks aikaa. Ja sitten ens viikonlopuks Anna-Maja ja Adami tulevat tänne :D Lähemä festaamhaan Lulajassa ko Oscari täyttää 23! Gonna be good.

 

Olen ollu nyt töissä kakstoistsa päivää rivissä, ja nyt on viimeks vähän leetiä! Oi kunka soma. Lähen illaks luulajhaan ja lähemä sitten bowlaamhaan O'learyssä. Tästä tulle oikeen hyvä ilta!

 

Long time no see!

 

Hei taas. Pitkän joululoman jälkkhiin olen nyt takasi Luulajassa. Työ alkaa huomena ja häyn sanoa ette vaaikka on ollu pitkä loma niin haluuaisin olla vielä kotona. Soon niin kauhean soma panna nukkumhaan ja herätä aivan ko haluaa. Huj huj... Mutta kyllä hän soon haska ki olla takasin, ja nyt on työtä kok viikon mulla Amberissa ko ordinarie joka on töissä on menny ulkomaile. Rahha tullee!

 

Tiättäkö mitä!?? MULLA ON JOULULOMA NYT!

 

Olen ollu viikonlopun töissä Amberissa Luulajassa ja pyhä oli viiminen työpäivä. Nyt ei ole töitä ko vasta kolmen viikon päästä, woooohoooo! Tänäpäivänä kaveri Uumajasta tullee kylästelemhään ja tuorestaina lähen kotiapäin. Oi ko soma tulla kotia, on kohta kaks kuukautta siittä ko kävin viimeks kotona. Kyllä soon nyt aika. Kaipaan kaikkia kaveria ja pappaa ja mammaa Vindelissä ja sukua ja vain olla kotona Pentäsjärvessä.

 

 

AHAI <333

Tänäpäivänä mulla on viimeks leeti päivä! Aattelin korjata vähän täälä lääkenheetissa, semmonen joulukorju. Sitten piiain kaupunkile vähäks aikaa kattomhaan viimisiä joululahjoja! Hyvä päivä indeed.

 

Kotona taas! Mikkä päivät Hollandissa! Oioioi... Paljon parempi ko olin uskonut. Ensiks kaukean kiinostava ja hauska konferensi missä kohasin paljon uutta väkeä koko Euruupasta. Sitten Utrechthiin, Rotterdamhiin (villin kaunis kaupunki) ja sitten tietekki Amsterdamhiin. Pääkaupunkissa oli tosi hauska hosteli missä kohasin suomalaisia, englantilaisia ja tietekki hollandilaisia.  En mie oikestaan nähny niin paljon Amsterdammia ko ilmat olit niit huonot, mutta näin hän mie sopevan baarin ja vähän kauppoja!

 

 

 

Nyt olen Luulajassa töisss viikonlopun ja siiten Piitimheen viikoks töihin, rahhaa tulle (ja kyllä se häätyy nyt Hollandin jälkkhiin)!

 

Pusu <3

En mie vain tieny ette täälä oli ruottalaisia minun hostelissa.

    

 Otti niinku vähän aikaa ennenko ymmärsin ette hän oli ruottalainen ja ei vain osanu vähän. Haha, confusing. No nyt mie tiän, mutta ei se vain haitta ko mie lähen Amsterdamhiin aivan heti! Ensin fiikka "La Placeissä".

 

Iltaa! Tulin juuri kaupunkilta takasin tänne hostelhiin. Ostin vähän joululahjoja ja sitten ittele kaunhiin ja loistavan kleninkin uutheen vuottheen! Ihana kaupunki tämä mutta ko se vielä sattaa niin kauheasti... Vaikka ammula tuli kyllä lunta, ja täälä hostelissa on mies brasiliasta joka ei koskhaan ollu nähny lunta elämässä ennen tätä päivää. Niin hälle oli aivan mahoton. Ja kyllä mie ki tykkäsin paljon parempi siittä ko tästa sattheesta.

 

Moron moron ostaks poron?

 

Nyt olen Utrechtissä, saamapa nähhä jos mie jään tänne vielä yön vain jos mie lähen Rotterdamhiin illaks. Rotterdami hän pommitthiin toisessa mailmansoassa ja siksi sielä on jännä arkitektyyri net sanovat. Tänäpäivänä aurinko paistsaa kaunhiisti niin toivottavasti saan paljon hienoja kuvia kaupunkista! Ja toivon kans ette löyän myysisen joulumarkkinan jostaki.

 

Halloota halloota. Hollanissa mie nyt pyörin. On ollut kauhean hyvät päivät täälä kielikonferensissa ja paras hän on ette olen kohanu niin paljon uuta väkeä. Itaaliasta, Irlandista, Franskasta, Suomesta, täältä Hollanista ja tietekki Ruottista. Tänäpäivänä kaikki muut on menheet kotia ja mie olen vielä täälä maassa tuorestaihin. Lähen junala jonku tiiman päästa Utrechthiin, vain noin seku vain. Löyvän varmasti sieltä hostellin missä saatan asua. Ja kohata uutta väkeä. Siiten keskiviikkona Amsterdamhiin ja sinne ei ko shoppamhaan joululahjoja!

 

Hujj mikä ilma! Emmäkös heti saa vähän lunta ette ei ole niin kauhean pimeä illoila? No joo, mie hän lähen reisamhaan ensi viikola. Vaikka en mie tiä minkälainen ilma sielä Hollandissa on. Lähen sinne kielikonferanshiin jos että jo tietänheet! JÄNNÄ HOMMA!