Elina Isaksson Kruukka

Hujj mikä ilma! Emmäkös heti saa vähän lunta ette ei ole niin kauhean pimeä illoila? No joo, mie hän lähen reisamhaan ensi viikola. Vaikka en mie tiä minkälainen ilma sielä Hollandissa on. Lähen sinne kielikonferanshiin jos että jo tietänheet! JÄNNÄ HOMMA!

 

En tiä oikeen mitä tapahtu eilen, mutta pää oli kauhean raskas, mulla oli kuume ja en voinu syä kohta mithään. Tänäpäivänä tuntuu kuitekki paljon parempi ja toivon ette saatan mennä töyhin huomena. Ei ole hauska ko häyn olla kotona nyt ko on vähän enempi työtä.. Mutta ei sille oikeastaan voi mithään.

 

Luulajassa nytten, olen ollu töissä täälä Amber Hotellissa koko viikonlopun. Hauska ko on töitä, huomenaki olen töissä, mutta sillon Piitimessä toisessa hotelissa! Nyt ootan pyssiä ette pääsen kotia Piitimheen. Rauhalinen ja oikeen som ailta eessä ja sitten varhain sänkhyyn ette jaksan ylös huomena.

 

 

Pusu ja hei! <3

 

 

 

Luulajassa olen ollu töissä tänä iltana Amber Hotellissa, ja aamupäivän olin toisessa hotellissa Piitimessä töissä. Niin tämä päivän jälkkhiin jalat ja pää on aivan loppunu. Mutta hauska vain ko on vähän töitä ki, ko mulla ei ole ollu muuuta ko töitä viikonlopuila ennemin ja häyn sanoa ette vähän aijan päästä kyllä väsyttää käyvä kaupunkila ja istua kotona daattorin ja teeveen eessä viikoila.

 

Tulin juuri kaupunkista, kattonu vähän joululahjoja ja hyyräsin kolme filmiä ki. Breaking Dawn Part 1 (lähemä kattomhaan Part 2 huomena biiossa), Abduction ja Dark Shadows. Hoksasin juuri ette en ole näyttäny minun tatuointia täälä blogila, niin olka hyvä!

 

Piiain aika alkaa kirjottamhaan vähän täälä ki! Oli kyllä pitkä aika sitten. Paljon on tapahtunu tänä vuona ja siittä ko lopetin bloggamhaan tällä sivula. Austraalia viis kuukautta, ihana kesä kotona Pajalassa ja sitten muuutto tänne Piitimheen! Siis paljon kertomiista. Mutta emmä ota kaikkea kerrala.