No niin, tervetuloa!
Hauska ette löysit tänne, minun uutheen bloghiin meänkielelä! ^^ Tässä mie tulen kirjottaamhaan minun elämästä, reisuista, töistä, kielestä ja kaikesta minun ajatuksista.
Lue ja anna mielipitheet tulla!
Mie olen Elina, 19 vuotias pohjosen mettistä. Olen sociaali, hauska ja rohkea tyär, kuitekki minun päässä! Asun Pentäsjärvessä ja Pajalassa, ja olen juuri ottanu studenttin! Olen "töissä" koulula ja vanhuskoessa ja triivastun oikeen hyvin! :) Januarissa lähen Adamin (hyvä kaveri joo kiitos) kans Autraliaan, ja nyt ei ole paljon muuta ko tienata rahhaa päässä! Saatta tulla vaikka kunka tyyris reisu jos sieltä ei löyvy töitä, ko aattelimma olla sielä kuitekki neljä kuukautta. Jännittää jo nyt!!
Mie keksin tässä viikola ette olis hauska kirjottaa meänkielelä blogin. Ei vain siksi ette semmosta ei ole (minun tiosta) mutta enniiten siksi ette mulla ittelä säilyis kieli. Meänkieli oli minun ensimäinen kieli ja olen ylpeä siittä, mutta häyn sanoa ette tänäpäivänä ruotti suijuu parempi.. Tietekki olis hauska jos vielä saisin vähän lukioita ja mielipitheitä aina silloon tällöön! Toivon ette sie joka luet tämän tulet takasin :D
Halaus <3
Rohki hyvä idea! Pitäis itteki perustaa blogin suomeksi tai meänkielellä, ko mulla on tämä suomen kirjoittaminen vähän hankala :D
Hieno!
Hauska lukea ko kaikki ymmärttä!
Ja, du vet ju att jag försöker våga prata meänkieli (och lära mig mer), och då är det så befriande att få läsa texter som man faktiskt förstår HELT OCH HÅLLET. Om du uppdaterar ofta så lovar jag att du blir en av mina favoritbloggar!
Siehän nimenomhaan OLET sociaali, hauska ja rohkea! ;) Huippu homma, että piät blogia, alan heti lukijaksi!
T. Elina Suomen puolelta
Elina, det här är skitbra! Precis som Jessicka skrev, så tänkte jag också att det är kul att läsa på meänkieli, och bra att träna på. Jag brukar försöka läsa nån artikel i Haparandabladet då och då, men de är ju inte alltid så roliga och språket är inte alltid så enkelt. Skriv du så läser jag! =)
Hanna, ei se ole ko kommenterata täälä oikeen friskisti! ;)
Hauska kuula Jessicka, häyn sitten yrittää kirjottaa ussein :)
Kiitos siittä Elina ja Marika!
Mie justhiin lujin sinusta Met-aviisista! Hyvä Elina! Mie aijon praamata sinnuu Ruijan Kaijussaki. Hauskaa reisua Austraalihaan. Sie häyt blogata sieltä kans ja tule tervheenä takaisin!
